Online Reporter
UMCULI we-Afro pop, uPhila Madlingozi, usethethe isinqumo sokuhotsha imfe ekulingiseni. UPhila, oyindodana kaRingo Madlingozi, ukhiphe isitatimende lapho abe sazisa khona abalandeli, abangani lezihlobo ukuthi usethi khumu kulo mkhakha ngoba efuna ukugxila emculweni.
“Emuva kweminyaka ngiyibambile emidlalweni yethelevishini, ngicabanga ukuthi sekuyisikhathi sokuvula elinye ikhasi emsebenzini wami. Umsebenzi wokulingisa ugcwele okuhle lokubi. Mina ngibe lenhlanhla yokubusiswa ngezindawo ezingaqulanga umsebenzi wami kuphela kodwa lempilo yami uqobo. Izindaba esizixoxe ndawonye, ukuhleka lezinyembezi esizikhalile, yinto ebengingakaze ngayicabanga.”
UPhila ubonge kakhulu abantu akade bemesekile ekulingiseni lebebehlulela ikhono lakhe.
“Njengoba ngishenxa emkhakheni wamafilimu lethelevishini, ngijabule ukuvukuza ikhono lami lokucula.”
Unxuse akade bemlandela ekulingiseni ukuba bazomeseka lasemculweni.
“Ukuxoxa izindaba ngizoqhubeka ngakho kodwa manje ngesigqi langezinhlamvu zomculo. Lingakwenza lokho ngokubheka umculo wami ezinkundleni zokuxhumana,” kuphetha uPhila.
Leli ciko lihoxa nje beselilingise emidlalweni eminengi yethelevishini okubalwa kuyo iGqeberha The Empire, Intersexions, Isikizi, Mutual Friends, Rhythm City, Single Galz, leThe Queen.
Ngo-2018 uPhila wahlabana ngomklomelo weGolden Horn kumaSouth African Film and Television Awards (Saftas), emunxeni weBest Achievement in Original Music/Score in a TV Drama ngeqhaza alibambe kuSikizi. Muva nje ubebambe iqhaza ohlelweni lweShowmax olulandela impilo yabantwana babazali abadumile kodwa abezenzela okwabo, iBorn Into Fame.-Isolezwe
