adminIjaha lami liyala umthwalo
Ngiyintombi eleminyaka engu-22 yokuzalwa, ngizithwele umthwalo wejaha esengileminyaka emihlanu ngithandana lalo.
Khulu uhlupho yikuthi ngathi ngitshela ijaha lami ngomthwalo lathi kalikazimiseli ukuba ngubaba kungakho kumele ngikhiphe umthwalo. Mina ngakwala lokhu kungakho sengilenyanga ezinhlanu abangakithi bangisa ngakibo kodwa unina wayesala ukuthi sikhulumisane njalo sasingalali ndawonye. Ukudla lakho babengipha okwehlukene lokwabanye.
Umamazala wazohambisa umbiko ngakithi wokuthi ufuna kuzokhulunywa uthe efika ngakithi wathi umthwalo kabawazi. Khulu sebengitshiyile ngakithi ijaha lami bengithi nxa ngilifonela lingadobhi ucingo kodwa khathesi usefuna sibuyelelane.
Impendulo
Kungenzeka ukuba ngesikhathi ekuphika kwakubangelwa yikwethuka lokwesaba unina lo okhanya esidla amalahle, kodwa khathesi indlela leqiniso sekubonile, njalo uselesifiso sokuba ngubaba. Nxa umthanda hlalani phansi libonisane indlela yokubamba udaba lwenu luze luyefika futhi ebadaleni. Eqinisweni mzukulu kayisiyonto enhle ukwenda ngoba usuzithwele. Kodwa nxa kuthe kwavela kubambeni kuhle lobabili lalaphaya
Ayaphambanisa imizwa yocansi na amaphilisi?
Khulu ngilethemba lokuthi uzanginceda. Ngicela ukubuza ukuthi amaphilisi okuvikela ukuzithwala ama-control pill ayehlisa yini imizwa yocansi ngoba sengileminyaka emithathu ngiwanatha njalo nxa ngihlangana lobaba kuyabe kungatsho. Kungabe kubangelwa ngamaphilisi la kumbe ngokunye?
Impendulo
Ezinye inhlupho mzukulu zidinga kakhulu amadokotela, yiwo alobungcitshi ekwaziseni abantu ukuba amaphilisi athile aphambanisani emzimbeni. Ngesinye isikhathi mzukulu indaba yemacansini ifuna ukulungiselela kwengqondo.
Zamani ukukhangela indlela elihlangana ngayo emacansini lizame lani ukutshintsha indlela zakhona hatshi ukuba lendlela eyodwa lesikhathi esifanayo esokuya emacansini.
Online Reporter