admin
Khulu
Ngihawukela umkadadewethu
Khulu: Sabona? Nceda mina umzukulu wakho ngisenkingeni. Ngihawukela indoda ethethe udadewethu. Uma ngimbona ngizwa ngifikelwa yimizwa yokuthi ngimange ngimqabuze ngiphinde ngifise lokuya emacansini laye.
Angikaze ngitshele muntu ngalokhu. Nceda Khulu ngenzeni? Muhle umuntu wabantu kodwa angifuni kuzwisa udadewethu ubuhlungu.
Impendulo
Ngiyaphila ntombi encane. Imizwa le obala layo mzukulu kayisilo thando ngitsho okutsho ukuthi ungafuna ukungena emzini kadadewenu uzazisola kusasa ngoba umkakhe kawumthandi, uyamhawukela nje. Nxa uhlala duzane lomyeni kadadewenu suka uyehlala khatshana labo libonane ngokuvakatshelana lakho ngemva kwesikhathi. Ukukhangeleka komuntu kayisilo thando kungakho ungazisola kakhulu selilingeke lambatha lobabili. Uzamthola owakho umaqondana ungaqali ukuzwisa udadewenu ubuhlungu.
Intombi yami ithanda imali
Khulu: Uhlupho engilalo ngolokuthi ngilentombi ethanda imali. Ngiyamthanda lumntwana kodwa inkinga yakhe inye nje kuphela, uthanda imali. Lanxa ngisiyambona uyabe efuna ngimnike imali. Ngenzenjani ngomuntu onje Khulu?
Impendulo
Umuntu onje utsho ukuthi wena ulenhlanhla ngoba uyakutshengisela ukuthi wena awusuye wedwa othandweni lwenu. Umuntu lo kusobala ukuthi angabona umuntu olemali uzamlandela ngoba uthanda abantu abahlala beholile.
Kutsho ukuthi uthanda imali kuwe. Zama ukuthi khwimilili ungamethekeleli aze abuze ukuthi kanti sokwenzenjani ubusumvezela ukuthi ukungabuyi kwakho ububanjwe yikuthi awulamali, uzamkhangela njani. Ngakho uhlale kuphela ungayi kuye. Kolunye usuku ubusulahlisa nje umethekelele ilanga selithambalele. Udlule endaweni lapho elalibonana khona. Besekusiba yikugeza izandla khonokho ngoba akusizi ukuthi uzibambelele ngechithamuzi. Ngoba selihleli lobabili uzakusetsha ulele. Abesebiza yonke imali esesikhwameni sakho. Qinisa ukuthi uyesaba ukumethekelela nxa ungelamali. Nxa eleqiniso kuwe uzakubiza ethi woza lanxa ungelamali.
Kusuka ngo1999 owesifazane kangimazi
Khulu: Ngingowesilisa oleminyaka yokuzalwa engu-51. Angisakwazi ukuhlangana lowesifazana. Umkami wabhubha ngo-1999. Abantu bathi mhlawumbe ngikhubazekile ngoba angikaze ngihlangane lowesifazana njalo kangifisi ukuhlangana lowesintwana kusukela umkami watshona. Ngingabe ngilomkhuhlane yini kumbe ngiyahlanya ngoba akutsho Khulu.
Impendulo
Zwana jaha elidala, awuhlanyi awulimalanga, iqiniso yikuthi wena wethuka kakhulu ukubhubha kukankonsikazi wakho njalo wawumthanda ethembekile kuwe. Into ekhona nansi ginya isidwa udele, uphakathi kokuzila okukhulu okulethemba ngemva kokulahlekelwa ngunkosikazi wakho, abanewabo balabantwana abangamantombazana. Thuma usodombo ayekwethula kwenuzala acele ibhokodo noma nje kodadewabo kayise njengomuntu owawuvele uhambelana labo. Umbikele ukuthi inhliziyo lokhe ikhangelele lapha ekhaya angithandi ukuthi ngehlukane lalo umuzi wakobabazala, bazakuzwa masinyane njalo babone ukuthi ulijaha elilesibindi lesifiso. Kodwa nxa kusehlula uyifundise ukuxola inhliziyo yakho.
Online Reporter