adminSabona Khulu. Nceda mina umzukulu wakho ngisenkingeni. Ngihawukela indoda ethethe udadewethu. Nxa ngimbona ngizwa ngifikelwa yimizwa yokuthi ngimange ngimqabuze ngiphinde ngifise lokuya emacansini laye.
Angikaze ngitshele muntu ngalokhu. Nceda Khulu ngenzeni? Muhle umuntu wabantu kodwa angifuni kuzwisa udadewethu ubuhlungu.
Impendulo
Ngiyaphila ntombi encane. Zwana into ekhona yikuthi wena cela kudadewenu ukuthi ufuna ukumbelethela abantwana, umgcinele abantwana bakhe. Angavuma udadewenu ukuthi ube ngumongi uyabe esevumile ukuba isithembo leso osijahe kangaka uyasifuna. Umchazele sibili udadewenu ukuthi ubona angani uthwele nzima lapha endlini, wena uzamncedisa, ucele lokuhlala laye ubusumhlonipha kakhulu. Umenzele konke akufunayo, kuzafika lelo langa olifunayo.
Angizwa lutho emacansini
Khulu angizwa lutho emacansini. Angilama-feelings. Angiluzwa uluju oluzwiwa ngabanye emacansini, ngenzeni Khulu? Ngingowesintwana osanda kwenda.
Impendulo
Uleminyaka emingaki, sewake waluzwa yini lololuju okhuluma ngalo njalo nini, kubani? Khathesi isikhathi okuso lwisela ukuthi ubelethe umntwana, ungazithwala ubelethe umntwana ngemva kwalokho uluju uzaluzwa lumpompoza, besengisithi zama ukuthi uvunule ngezihlahla ezinjengentolwane lomgugudu selilungele ukuyalala uzihlambulule ngamanzi aqandayo umzimba wakho uzamumatha uphele ukuxega, uzawuzwa umehluko.
Besengikucebisa ukuthi ungaqali ukuhamba uthenga izihlahla ezilamandla sengathi usebenzise isawudo embizeni yokuphila kwakho. Azingeke zikusendawo kodwa ziyakulimaza umumo wakho ngoba zixutshaniswe lomchitho wendwangu njalo ngokusebenzisa izihlahla ezinjalo zenza ubelethe abantwana abazabonakala benombela izinto zonke eziphansi kwabo ezihambayo, lokhu kuyabe kubangwe ngumthambiso wendwangu. Ngiyabonga.
Angikendi, ngileminyaka engu-39
Khulu kwenziwa yini bonke abangani bami engakhula labo batshadile mina-ke kuyala, sengize ngicabanga ukuthi mhlawumbe ngilomnyama. Ngileminyaka engu-39 kangikaze ngikhonjiswe.
Impendulo
Akulalutho olalo, imvamo yabantu abanjengawe, umuhle kakhulu njalo uthanda ukuthi nxa uphakathi kwabantu ukhulume lembeko yokuziphatha abesilisa babesebesithi ungumtshumayeli. Sifuna ukulungisa linto yokuthi bakubone. Angiselaphi mina, ngiyancedisa nje kancane. Thatha uvela bahleke lomlomomnandi lomchithazulu legumalala lomphafa uhambe uye emfuleni lomunye umuntu oyisihlobo sakho.
Faka lezizihlahla phakathi kwenditshi ugeze, ungaqeda gebha igodi etshebetsheni ubusuchithela umuthi lowo kulelogodi, usuqede ukugeza, umbokothe ngenditshi obugezela kiyo, uyigqibele ngetshebetshebe igqitsheliwe. Suka lapho uye ngekhaya. Dinga imota uye kuGwayi umfula oletshebetshebe elinengi sibone ukuthi akulandwayi ozazisondeza phansi kwakho. Aluba ungakwenza lokhu ubuzabona izimanga. Zama lokhu ukuthi ngithwale lumsebenzi, kubi ngoba kangiselaphi.
Okunengi ngingakuzwa ngawe. Yikugula lokhu, kuyelatshwa.
Online Reporter