Online Reporter
Michelle Musandinyoze
KULOMAMA oleminyaka (24) ocela usizo lwemali ukuze elaphisa umntanakhe oleminyaka emithathu yokuzalwa, olesifo sejwabu elingajwayelekanga.
Inina leli, elihlala loninazala labantwana ababili, uNkosazana Kudzaishe Moyo, uthe umntanakhe uDanny wazalwa elesimo lesi. Uthe badinga uncedo lokuthi bathenge amafutha okugcoba ijwabu lomntwana, ukemelaphisa lokunye okufuneka esibhedlela.
UNkszn Moyo uthe umkakhe wababalekela ngenxa yesimo yomntwana. Uthe ekuzalwani kwakhe, umntwana wayevuvukile kodwa wabangcono ngokuya kwesikhathi, kodwa, inkinga ekhona yikuthi uyehluleka ukudlala labanye ngoba balomkhuba wokuhluba ijwabu lakhe.
“Ngiphila ngokwenza imisebenzi lapha lalapha lokweluka inwele. Ngaphandle kwalokho, angilayo enye indlela yokuthola imali,” kutsho uNkszn Moyo.
“Ngihlala lomamazala, umyeni wami lezihlobo zami bangixotsha ngesikhathi ngibuyela ekhaya bathi abafuni ukunakekela umntanami ngenxa yesimo sakhe.”
Uthe abazali bakhe bedlula emhlabeni esasemncinyane.
Ubike ukuba umntanakhe odokotela bathi ngeke abe lomzimba omkhulu futhi lesimo lesi ngeke siphele ngokuhamba kwesikhathi.
UNkszn Moyo uthe badinga imali engange US$75 ukuze benelise ukuyabona abezempilakahle, bahlole umntwana.
Uthe labo abangafuna ukuncedisa bangakwenza lokhu ngokunikeza loba yini abalayo. Umntwana kumele athole ukudla okulama-vitamins lama-proteins. Akumelanga adle ukudla okulenhlanzi.
Abafuna ukuncedisa bengathintana loNkszn Moyo ku: 0774970794 kumbe: [email protected]
