Online Reporter
Ethel Ncube
KULENINA leNew Magwegwe koBulawayo elihlaselwe yimigulukudu endlini yalo latshontshelwa iR80 000 ngoLwesibili ntambama kuviki ephelileyo.
Inina leli lalibuye lemali engange-R80 000 livela eMzansi Afrika.
Kubikwa imgulukudu le yafika yavula umnyango wemkulwini owawungakhiywanga yazithela phakathi endlini andubana iqonde ekamelweni lapho okwakulenina leli khona.
Kuvele ukuba bamlaya ukuthi ehlike embhedeni bamtshaya ngezibhakela ebusweni ngaphe bemthembisa ukumgwaza ngengqamu engekela ukulandela imilayo yabo.
Kubikwa bamlaya ukuthi alale phansi, baphakamisa umbheda bathatha isikhwama esasilemali lesithupha kunye lomakhalekhukhwini wakhe qede batshaya utshani.
Isikhulumi samapholisa koBulawayo uAssistant Inspector Nomalanga Msebele uqinisekise ngesehlakalo lesi.
“Sichwayisisa udaba lwenina elitshontshelwe imali lomakhalekhukhwini okubiza R83 500.
“Sikhuthaza uzulu ukuba akumelanga atshele abantu ukuthi ulemali njalo siyaqhubeka ngokuxwayisa uzulu ukuthi angagcini imali endlini, imali yonke kayihanjiswe ebhanga ngoba yikho okubiza amasela,” kubika uAsst Insp Msebele.
