Online Reporter
Nkosilathi Sibanda
KUBE yisiphithiphithi enzikini edolobho lakoBulawayo ngesikhathi kugcwala inswabanda ezifike zagcwala kuzakhiwo ezithile, ngoLwesine.
Inswabanda lezi zigcwale kakhulu kusakhiwo sePrincess Court, kuFort Street lo-9th Avenue. Kudidizele “osiphatheleni” labanye abathegisa impahla eceleni kwesakhiwo lesi.
Abanye babonakale bebutha izibungwana lezi bezifaka emasakeni ngoba bakhona abazidlalayo njalo kubikwa ziyizibiliboco nxa seziphekiwe.
Ukwanda kwenswabanda kumangalise abanengi ngenxa yokuthi akujwayelekanga ukuthi kube lenswabanda enzikini yedolobho.
Kungabe kusitshoni lokhu?
Iphephandaba likazulu lixhumane loSiyazi uMnumzana David Mhabhinyana othe: “Lokhu kungabe kubika ukuguquka kwesimo somkhathi.”
Phos’ elakho. Uthini ngesehlakalo lesi?
