admin
KUNDABA emangalisayo kakhulu, kulenina leBeatrice elileminyaka yokuzalwa engu-58 eligwetshelwe ukuhlala ejele okweminyaka engu-20 lisetheswa icala lokuncinda uluju lwemvelo lamadodana alo amathathu oyedwa oleminyaka eyisithupha kanye lamaphahla aleminyaka eyisitshiyagalombili.
Inina leli esingasoze siveze igama lalo ngenhloso yokuvikela abantwana laba abancane, ligwetshelwe ukuhlukuluza amadodana alo amathathu ngokocansi ngaphansi koluhlu lomthetho we-Aggravated Indecent Assault ngokulandisa kwawo kusahluko 66 (1) (b) (i) we Criminal Law Codification and Reform Act Chapter 9:23.
Umantshi womthethwandaba weChitungwiza Magistrates Courts, uMnumzana Noel Mupeyiwa, uthe umsolwa uzaphungulelwa iminyaka emine kucala leli nxa kuyikuthi kasoze adale icala elifanayo kuminyaka emihlanu elandelayo.
Umtshutshisi kucala leli uMnumzana Trinity Nyandebvu ubikele umthethwandaba ukuthi icala leli ladalwa kusukela kunyanga kaMabasa kusiyafika uNcwabakazi 2020 lapho inina leli elalihlala labantwana laba njalo lilala labo kukamelo linye.
Kucala lakuqala umsolwa wahlukuluza indodana yakhe eleminyaka engu-6 yokuzalwa.
Inina leli lalilala embhedeni abantwana belala phansi.
Ngelinye njalo ilanga, inina leli lavuka phakathi kobusuku labikela abantwana ukuba lifuna ukubafundisa ngendaba zocansi, ngemva kwalokhu lahlukuluza oyedwa abanye ababili bebukele. Ngemva kwalokhu, umsolwa kubikwa wabikela abantwana ukuthi bangatsheli muntu ngalokhu okwenzakeleyo, bangakwenza lokhu uzabancintsha ukudla kumbe ababalekele basale bodwa endlini.
Kundaba yesibili, inina leli laphinda njalo ihlazo leli komunye njalo umntwana lamtshela ukuba angatsheli muntu ngoba uzamncitsha ukudla aphinde ababalekele basale bengelaye umuntu wokubagcina, kungakho-ke ngokwesaba umntwana wavuma ukwenza ayekufuna.
Kundaba yesithathu, inina leli laphinda njalo kundodana yalo yesithathu lamethusela ngendlela efanayo.
Ihlazo leli lize laphuma egcekeni inina leli litshiye abantwana bebodwa basebethathwa ngugogo wabo ohlala eChitungwiza.
Sebekhonale, omunye wabantwana oliphahla wabamba omunye umakhelwane ngendlela engayisiyo okwenza ugogo wakhe wambuza ukuthi ukwazela ngaphi lokhu, umntwana wahle wayithulula indaba wathi wafundiswa ngunina.
Ugogo kubikwa wahle wayamangalela umama wabafana okwabangela ukuthi abotshwe.
Online Reporter