Inina litshaya libulale ingane (3) ezitshiyileyo

The suspect was taken in police custody and is now assisting with investigations

Ethel Ncube

KULENINA lePlumtree elitshaye labulala umntanalo oleminyaka emithathu ngemva kokuba ezitshiyile.
Umsolwa uSimangele Ncube oleminyaka engu-37 yokuzalwa umiswe emthethwandaba kuyonale iviki esetheswa icala lokubulala njalo uzabuye aphenduke mhlaka 21 Lwezi.

Umtshutshisi uNkosazana Sheila Nyathi ubikele inkundla ukuba umsolwa mhlaka 2 Mpandula watshaya umntwana wacina esedlula emhlabeni.

“Mhlaka 2 Mpandula, uSimangele Ncube watshaya umntanakhe uEasy Mpande esiphaqeni ngebhavu ye-plastic ngemva kokuba umntwana ezitshiyile. Ngelanga elilandelayo waphinda wamtshaya futhi ngentambo yegetsi okwadala ukuba umntwana ahle edlule emhlabeni.

“Omakhelwane ngokuhlulukelwa bahle babopha uSimangele bamhambisa emapholiseni,” kubika umtshutshisi uNkszn Nyathi.

UNcube uzabe evalelwe esitokisini elinde ukuba abuyele emthethwandaba mhlaka 21 Lwezi kuwonalo umnyaka.

facebookShare on Facebook
TwitterPost on X
FollowFollow us
PinterestSave

Related Posts

Akulalwa ngeCardinal X25 koBulawayo
Akulalwa ngeCardinal X25 koBulawayo

  Nkosilathi Sibanda “Angilayo imbali” Le yiyo ingoma ezabe ihlatshelwa ngesikhathi iqembu lomculo elilodumo kulezinsuku elivela eSouth Africa, iCardinal X25, lithokozisa abalandeli balo ngoLwesihlanu, kwenye ihotela koBulawayo. ICardinal X25 itshintshana…

Continue reading
Ikhefu elitsha iMunhumutapa Day
Ikhefu elitsha iMunhumutapa Day

  Nkosilathi Sibanda UHULUMENDE usebike ukuba umhlaka 15 Mpandula usezakuba likhefu elisemthethweni elizweni njalo lizabizwa ngokuthi yiMunhumutapa Day, kuqalisa lonyaka. Ilanga leli lihambelana lokuzalwa kukaMongameli Emmerson Mnangagwa, njalo uHulumende uthe…

Continue reading

Leave a Reply

Your email address will not be published. Required fields are marked *