Fungai Muderere
KULISIZINI, ibhola likanobhutshuzwayo kuligi yeZifa Southern Region Division One lizathola uxhaso lwemali olukhulu oluvela kuPacific Cigarette Company, i-Zimpapers Sports Hub ikuzwile lokhu.
Abafakazi abaqotho bathe usekelo lolu luhlanganisela imali ezakhitshwa inyanga ngayinye i-US$3 500, imali ezahlukaniswa phakathi kwendleko zokusebenza kunye lemali yesicoco seqembu elizaphumelela ekupheleni komnyaka. Lolusekelo luzaphathisa njalo emcimbini wokuvula lokuvala isizini.
UTizirayi Luphahla, isikhulumi se-Zifa Southern Region Division One League, uthe: “Okwamanje ngeke ngitsho okunengi.”
Ngesizini edluleyo i-Zifa Southern Region Division One League yanqotshwa yiBulawayo Chiefs.
