admin
Ungasaphindi ukhathazeke emoyeni ikhona inyangenkulu uRrang Mogale elakho ukuletha ukuthula empilweni yakho.
URarang osuka esigabeni seDitatju eSenwabarwana esabelweni seLimpompo uyisikhwicamfundo esilesicoco se-Environmental Education.
Uthe noma efundile kodwa uhlezi esazi ukuthi ulobizo. “Ngangingafuni ukukwamukela lokhu kwaze kwafika isikhathi sokuthi ngagula kakhulu eminyakeni emine edluleyo.
Kwehlula odokotela abanengi. Kwahle kwabasobala kimi ukuthi kwasekulithuba lami lokuthi ngenze lokhu okufunwa ngabaphansi.
Emaphutsheni ami ngangiboniswa eyinye indawo eseZimbabwe lapho okwakumele ngiyethwasa khona.”
Esevela thwasa waqhubeka ngomsebenzi wakhe wobubalisi kodwa eselapha emini.
“Kwasuka kwangisinda kakhulu ukwenza imisebenzi le emibili sikhathi sinye okwenza ngehluleka ukuyenza ngobunono obuphezulu.”
Wacabanga ukuthi akhethe ukutshiya ububalisi enze lokho okufunwa ngabaphansi.
“Ngangikwazi ukuthi ngilomsebenzi omkhulu wokusiza lokwelapha abantu,” kutsho uRarang. Ugcizelele ukuthi ulamandla okuthi kube lokuthula phakathi kwalabo abehlekunayo.
“Sonke siyazi ukuthi akulula ukusebenza lomuntu olenhliziyo edabukilelyo ngoba kulakho ukuchitheka igazi kulabo abake bathandana.”
“Mina ngiyelapha abantu ukuthi kungabi khona ukuchitheka kwegazi noma inzondo kulabo abehlukeneyo.”
“Ngisebenzisa impondo zenkomo ukuxotsha isithandwa sakhe esihluphayo.” — Ubulembu
Online Reporter