admin
Florida — Abangani lamalungu omndeni wejaha elileminyaka engu-17 ubudala eSevierville, eTennessee batshaqekile ngemuva kokuzwa ukuthi likhethe ukutshada lesalukazi esileminyaka engu-71 ubudala ahlangana laso emngcwabeni emasontweni amathathu adluleyo.
U-Almeda Errell (71), loGary Hardwick (17), bahlangana emngcwabeni wendodana yakhe uRobert.
Emasontweni amathathu adlule ngemuva kokuhlangana okokuqala babazi bobabili ukuthi bafuna ukuba ndawonye baze bahlukaniswe yikufa njengoba batshada.
U-Errell osebenza esitolo sokudla uthe ubengafuni ukuthandana lejaha kodwa uHardwick uvele wafika ngesikhathi esiqondileyo.
Lumama olezingane ezine ubesosizini kulandela ukutshonelwa yindodana yakhe endala, wazithola eyedwana esedinga isoka.
UHardwick uveze ukuthi vele uyabathanda abantu besifazane asebekhulile kulaye ngoba ubethandana lowesifazane oleminyaka engu-77 ngesikhathi ehlangana lo-Errell okokuqala. — Ubulembu
Online Reporter