Ipholisa lidlwengula indodakazi ekuGiredi 7

was subjected to repeated sexual abuse by four perpetrators, including three male adults and a teenager, on multiple occasions while walking home from school

Ethel Ncube
KUDABA oluhlasimulisa umzimba kulepholisa leMberengwa okubikwa belidlwengula indodakazi yalo eleminyaka engu-12 kusukela ngomnyaka ophelileyo kuze kufike kuwonalo umnyaka.

Ipholisa leli limiswe emthethwandaba weMberengwa ngeviki ephelileyo njalo lizaphenduka mhlaka 27 Nhlolanja.

Umtshutshisi uMoreblessing Chabanda ubike ukuba umsolwa ubehlala lomntanakhe kunye lomkakhe.

“Umsolwa ubehlala lomama amthetheyo kodwa engazali umntwana lo abemdlwengula. Umntwana lo okuGiredi 7 kubikwa waqala ukuhlukuluzwa emacansini nguyise ngenyanga kaNcwabakazi ngomnyaka ka2024.

Umtshutshisi ubikele inkundla ukuthi uyise olipholisa wathi efika endlini wafica umkakhe engekho walaya umntwana ukuthi ahlubule impahla ayezigqokile andubana amlaye ukuthi amatshe esiya ekamelweni likayise lokulala wafika wamdlwengula kanye.

Inkundla ibuye yezwa ukuthi kunyanga edluleyo ipholisa leli lafika labamba umntwana lo isitho sangasese lisithi lifuna ukubona ukuba ugelile yini labuye lamphulula lamabele.

Abadala batsho bekubonile ukuba okulempondo akufihlwa emgodleni, nanko umsolwa wathi elokhu esenza lokhu waficwa ngumkakhe owahle wabuza ukuthi kuhamba njani, umsolwa wethusela umamangala.

Kubikwa umamangala esesikolo wabonakala ekhala abangane bakhe bambuza isizatho wabatshela basebesiyatshela umbalisi owathi laye embuza wachaza ayephakathi kwakho.

Indaba le yabikwa emapholiseni okwabangela ukubotshwa kukayise.

Umantshi uSengster Tavengwa ubike ukuba umsolwa uzabuyela enkundleni esesiyathola isigwebo sakhe mhlaka 27 Nhlolanja.