Online Reporter
Thokozile Mbedzi
ZlLOKHE zitshwaqe imizimba izisebenzi zePeak Mine eShurugwi kulandela ukuzwa ngomunye wazo ogwazwe wafa ngamadoda amathathu kubangwa ukuthi wale ukubathengela amanamunede.
UBright Miti oleminyaka engu-38 yokuzalwa ufe ngemva kokugwazwa enyaweni kuviki edluleyo.
Kubikwa amadoda amathathu okungasatholakalanga amabizo abo ahlangana loBright Miti lomngane wakhe uTapfuma Ncube oleminyaka engu-35 bevela eBonza Mine. Abathathu laba bathi ababili laba babathengele amanamunede kodwa bala bacunuka bagwaza uMiti ngemva kwedolo esandleni senxele.
Umngane wakhe uNcube wenelisa ukuphunyuka wabaleka.
Isikhulumi samapholisa esabelweni seMidlands uInspector Emmanuel Mahoko uthe ngemva kokuhlaselwa kwamadoda amabili omunye wathwalelwa esibhedlela. “UBright Miti wagwazwa kumbango wenamunede wathwalelwa esibhedlela seShurugwi District Hospital lapho athi efika bathi usedlule emhlabeni.
“Amapholisa acela uzulu ongabe elolwazi lalapho okulabathathu laba azise amapholisa aseduzane kwakhe ukuze bafinyelelwe yingalo yomthetho,” kuphetha ulnsp Mahoko.
