Online Reporter
Ethel Ncube
KULEPHOLISA elimiswe emthethwandaba weMasvingo kulandela ukwetheswa icala lokudlwengula inina elalisele lalo enkambeni yamapholisa bevela dinga isibotshwa.
Ipholisa leli limiswe ngeviki ephelileyo lisetheswa icala lokudlwengula.
Umtshutshisi uLiberty Hove uveze ukuba ipholisa leli ladlwengula inina leli okwamalanga amabili.
“Indaba le yaqala mhlaka 2 Mpandula kunye lo 3 ngomnyaka ka2025 lapho amapholisa athola khona umbiko wokuba indoda kamadlwengulwa ibhidliza impahla, amapholisa asuka ahamba elenhloso yokuyabopha leyondoda.
“Bayiswela leyondoda, bathatha umkayo, batshiya belayele ukuba indoda ingabuya ibuye enkambeni izothatha umkayo. Umama lo bahamba laye, bathe befika enkambeni, omunye wamapholisa wathi uzakupha inina leli indawo yokulala ngoba babefike sokuhlwile. Ipholisa leli lasuka lahamba lenina leli, bathi befika endlini yalo lathi umamalo kageze. “Kuthe sokusebusuku ipholisa leli ladlwengula inina leli ka-4 ebusuku. Kuthe ngelanga elilandelayo lavuka ekuseni lamphinda futhi kwathi emini lamphinda, lamekela ngemva kwalokho.
Inina leli labuyela emzini walo lapho elafika labikela ugogo walo ngokwakwenzakele, okwadala ukuba ipholisa leli libotshwe,” kutsho uHove.
Umantshi, uInnocent Bepura uveze ukuba ipholisa leli letheswa amacala ayisithupha okudlwengula njalo uzabuyela emthethwandaba esiyathola isigwebo sakhe.
