Ipholisa lidlwengula umkamakhelwane

Narrating her story, the woman said the officer had given her a dollar to buy food while she was sitting in the charge office. “When I denied his sexual advances, the police officer wrestled with me arguing that I had to return his one dollar.He took advantage of the fact that I had disclosed that I had no other money for transport to return to Madziva.”

Thokozile Mbedzi

KULEPHOLISA leMadlambudzi Camp Quarters ePlumtree elidanise bonke abantu enkambeni ngemva kokuba lingenele umfazi kamakhelwane lamdlwengula phakathi kobusuku ngenyanga ephelileyo.

Umantshi uMnumuzana Bishard Chineka uzwe ukuba mhlaka 16 Mpalakazi ngezikhathi zehola letshumi lanye ebusuku umsolwa uPhilani Ncube oleminyaka yokuzalwa engu-34 olipholisa leZRP eMadlambudzi wangenela umkamakhelwane wakhe uNomagugu Khumalo oleminyaka yokuzalwa engu-24 ngaphandle kwemvumo yakhe wamdlwengula yena ecabanga ukuthi engxenye ngumkakhe ongene engutsheni lezo ayelele kuzo.

Kubikwa ukuba uNomagugu waveza ukuba umsolwa wangena endlini esenza engani yindoda yakhe wamqabula ngakho wasembokotha ngengubo qede wamdlwengula.

Umsolwa kukhanya wala elokhu embokothe ngengubo ukuze engamboni kodwa umamangala walwisana laye waze wacina embona okwabangela ukuthi umsolwa adliwe ngumswenya.

Umamangala wahle wayabikela umngane wakhe uMoby Moyo babambisana indlela sebesiyabikela amapholisa.

Kuzwakale njalo ukuba umsolwa utshele inkundla ukuba yena lomamangala babethandana.

Umantshi ngemva kokulalelisisa icala leli udlulisele phambili ukuthoniswa kwalo.

Umtshutshisi wecala leli bekunguNkosazana Leeneli Saki.