adminUKUPHINDILE lokho uPitso Mosimane leqembu lakhe iMamelodi Sundowns, eletha usizi kwelinye iqembu laseSoweto. Kulokhu ezikaMosimane ziqumbe phansi i-Orlando Pirates ngo 2-0 emdlalweni we-Absa Premiership eLoftus Stadium.
ISundowns, enqobe ngamagoli kaLeonardo Castro lelikaKhama Billiat, itshaya iPirates nje ngesonto eledlule uMosimane uthathe inkezo yakhe yesithathu kuSundowns ngokudla iKaizer Chiefs ngo 3-1.
Lokhu kutsho ukuthi iqembu lasePitoli selizibeke endleleni yokutshaya amaphiko kuligi kulisizini ngemuva kokuthi liphunyukwe yisicoco ngesizini edluleyo.
Nxa sekubuywa kukhefu, iSundowns izobuyela kuMakhosi emdlalweni weligi eFNB Stadium mhlaka 9kuZibandlela.
Njengoba kuheleza umoya wenjabulo lamabhonasi kubonakala ezovuma eChloorkop ngemuva kokunqoba iTelkom ehambisana lemali engange-R4,25 million.
Ngemuva kokuthi iSundowns ihlule iChiefs, umqeqetshi waMakhosi, uSteve Komphela, kuze kwadingeka ukuthi avikelwe ngesinye isikhulu seqembu, uJessica Motaung, ogcizelele ukuthi akayindawo lumqeqetshi.
Njengoba leBucs ihluliwe, kungenzeka ziphinde zivuke inkulumo zokuthi ungaphezulu kuka-Eric Tinkler umsebenzi wokupheka iPirates.
Umqeqetshi lo uke wabhekana lolaka lwabanye abalandeli beZimnyama ngemuva kokuhluleka ukunqoba isicoco seCaf Confederation Cup lapho abehlulwa yi-Etoile du Sahel. — Ubulembu
Online Reporter