shloboe boe
Mbulelo Mpofu
NJENGOBA selike lavakatshela eFrance, Spain lakwamanye amazwe, iqembu lakuleli lezokuthokozisa, iZimnyama Dance Ensemble selibhekise amabombo e-India.
Lokhu kukhulunywe ngumqondisi weqembu uPhibion Ncube ngoLwesibili.
Ukulungiselela ukuya e-India kuze ngemva kokuba iqembu leli ligide lajabulisa abantu komunye umkhosi oqhutshwe yiBulawayo Hindu Society.
Kulumkhosi iqembu leli lagida lelinye iqembu eleSanskruti Dance Group, elisekelwa yi-Indian Council For Cultural Relations phambili kwababukeli abangu-300, abagoqela umsekeli kaMphathintambo wogatsha lwe-Industry and Commerce uRaj Modi, uSodolobho wakoBulawayo uDavid Coltart.
UNcube uthe bahlose okukhulu nxa bengafika e-India.
“Sibheke ngabomvu ukungena emakethe yase-India njalo sihlela uhambo lokuqala lokuya khonale, ngomnyaka ozayo. Ngemva kokugida kwethu sitshengisa amasiko akuleli, kwathaba abadala.
“Sikhuthaza osomabhizimusi labo bonke abasekela imidlalo yesiNtu lokuzithokozisa ukuthi balandele okwenziwa ngumhlonitshwa uRaj Modi,” kutsho uNcube.
Iqembu leEzimnyama Dance Ensemble lihlonitshwa kakhulu kuleli. Lazakhela udumo ngokubutha izicoco kumincintiswano eminengi. Lokhu kwanceda ekuthini linxuswe kumibuthano ephezulu emphakathini.
Online Reporter