Online Reporter
Isabizwana senani simela ibizo emutshweni njengezinye izabizwana. Khangela imitsho elandelayo.
Ngizathengisa zonke inkomo zami. Bathanda ukwenza umsebenzi wonke bodwa. Bobathathu babotshiwe. Izindlu zakhe zombili zitshile. Ngifuna ukukhetha abafana bobane abakwaziyo ukudlala inguqu.
Amagama la zonke, bodwa, bobathathu, zombili, bobane ayizabizwana zenani. Isabizwana lesi sileziqu ezintathu, -nke, -dwa, -bili, -thathu, -ne, -hlanu. Iziqu u-bili, -thathu, -ne, lo-hlanu zisebenza njengesiqu esisodwa.
Ake sihlole iziqu ngasinye ngasinye: -nke: Isiqu lesi sivame ukukhomba ubunengi. Lanxa kungenzeka ukuthi sikhombe ubunye, siyabe sisitsho ubunengi.
Izibonelo: Umntwana wonke oleminyaka emihlanu uyafuneka. Kusobala ukuthi emutshweni lo kufuneka abantwana abanengi. Lesisiqu singabuye sikhombe ubunye kodwa sisitsho ÿonke into eyodwa”. Indlu yonke itshile.
Isabizwana senani esilalesi siqu sakhiwa kanje: Isiqalo sesabizwana soqobo + isiqu sesabizwana senani ngaphansi kwezihloko ezilandelayo: Isigaba 3, isiqu sesabizwana soqobo –wo + isiqu senani-nke> wonke oyisabizwana senani.
Isigaba 7 so- -nke isiqu sesabizwana senani > sonke; Isigaba10 zo –isiqu sesabizwana soqobo + -> -nke isiqu sesabizwana senani sithole “zonke” oyisabizwana senani.
