Online Reporter
Lamhlanje siqala ngokuphetha isabizwana senani, sitshengisa ukusetshenziswa kwaso. Kuviki edlulileyo sitshengise ukuthi isabizwana senani singalandela ibizo emtshweni lokuthi singandulela ibizo.
Lapha siqala ngokuthi isabizwana senani singaba yinhloko yomutsho. Izibonelo: Zonke zihambile. Zonhlanu ngizibonile.
Singaba ngumenziwa: Ubaba uthethe konke. Utshengise zone. Singalandelana lesinye isabizwana. Umfowethu uthenge lona lodwa. Ngifuna bona bonke. UZodwa uthanda lezi zontathu.
Singasetshenziswa ukwakha isibanjalo ngokuqala ngesivumelwano senhloko esabizwaneni senani. Impahla zami zizonke na? Babobabili emsebenzini wabo.
Isiqu u-dwa lesivumelwano saso kungasetshenziswa lesivumelwano sesibaluli: Izolo sihlangane lomuntu oyedwa. Umalume uthenge ibhiza elilodwa.
Isabizwana sokuchasisa
Siyini isabizwana sokuchasisa? Bala imitsho elandelayo ukuze usizwisise isabizwana sokuchasisa. Isitsha (esihle) kasidleli. Esihle (yisiphawulo) Lo ogjimayo ngowami. (Ogijimayo) yisibaluli. Ufuna izicathulo ziphi phakathi kwalezi? (ziphi linani). Izigqoko zakhe ziwatshiwe. (zakhe yibumnini).
Amagama la asezibayeni yizichasiso. Izichasiso lezi zilandela ibizo (okutsho ibizo kumbe isabizwana). Siyakwenza-ke ukuthi nxa sikhuluma igama eliyisichasiso silisebenzise landulele kumbe limele usobizo(ibizo kumbe isabizwana).
Sizatshengisa lokhu kuviki ezayo.
