Isabizwana sokukhomba

Uhlelo

Kusahluko esedlulileyo sifunde ngesabizwana soqobo.

Funda imitsho le elandelayo: Yena uhambile izolo. Ubuye lalo lona. Siganyuliwe sona. Uzivulele zona.Uthengile khona. Kule imitsho emihlanu izabizwana zoqobo ezisebenze lapha zimele ibizo.

Kule imitsho elandelayo sizatshengisa isabizwana soqobo sigcizelela ibizo. Bona abantu bafikile emhlanganweni. Ubefuna khona ukudla. Sona isihlahla siganyuliwe.

Isabizwana sokukhomba ligama elikhomba ukuthi ulutho lolo okukhulunywa ngalo lungaphi ngebanga, okutsho ukuthi luseduze, buqamama, kumbe lukude. Njengezinye izabizwana, isabizwana sokukhombaa simele ibizo njalo sigcizelela ibizo emutshweni

Izabizwana zokukhomba ngezigaba zazo ngaphansi kwezihloko ezilandelayo:

Isigaba Eduze Buqamama Kude

1 lo lowo lowaya

1a lo lowo lowaya

2 laba labo labaya

2a laba labo labaya

3 lo lowo lowaya

4 le leyo leya

5 leli lelo leliya

Uzananzelela ukuthi bakhona abajobelela u-na esabizwaneni sokukhomba kude njengokuthi: leliyana, leziyana, lokhuyana njalonjalo.

Ukwakhiwa kwesabizwana sokukhomba: Nxa ukhangela izabizwana zokukhomba zonke uzananzelela ukuthi ziqala ngongwaqa u-l-. Ungwaqa u-l- uvela kusakhi sokukhomba u-la.