Online Reporter
Ukwakhiwa kwesabizwana soqobo. Nanku esikunanzelelayo kuzibonelo sesabizwana soqobo esazitshengisayo ngeviki ephelileyo. Izabizwana zoqobo zonke zilamalunga amabili isiqalo lesiqu.
Isibonelo: Sona. So- yisiqalo, -na yisiqu.
Iziqalo zezabizwana zoqobo zicina ngonkamisa u-o ngaphandle kokhulumayo uubunye lobunengi, okhuluma laye ubunye lobunengi izigaba 1 lo 1(a).
Izabizwana zoqobo zonke zicina ngesiqu u-na. Ukwakhiwa kwesabizwana soqobo. Isabizwana soqobo sakhiwa ngezindlela ezimbili. Indlela yakuqala: Njengoba isabizwana soqobo sibunjwa ngamalunga amaabili –isiqalo lesiqu singatsho ukuthi isabizwana soqobo sakhiwa ngesiqalo lesiqu.
Izibonelo: mina >mi +na – isiqalo mi lesiqu na. so > so + na – isiqalo so + isiqu na.
Indlela yesibili: Isabizwana soqobo sakhiwa ngokuhlanganisa isivumelwano senhloko lesakhi sesabizwana soqobo u ö”lesiqu u- na.
Izibonelo ngaphansi kwezigaba ezithile: Isigaba 5 isivumelwano senhloko li- + isakhi sesabizwana soqobo o + isiqu sesabizwana soqobo + -na = isabizwana soqobo =lona.
Isigaba 2 isivumelwano senhloko ba- +isakhi sesabizwana soqobo +o + isiqu sesabizwana soqobo +-na = isabizwana soqobo bona. Isigaba 8 isivumelwano senhloko zi- + isakhi sesabizwana soqobo +-na =zona isabizwana soqobo.
Nxa isivumelwano senhloko singungwaqa lonkamisa, nxa sihlangana lesakhi sesabizwana soqobo, unkamisa wesivumelwano senhloko uyasuswa indawo yakhe ithathwe yisakhi u-o kanje: s(i)- + o +-na =sona; l(u)- -o + -na = lona.
