Online Reporter
Isabizwana soqobo siyaqhubeka. Kulezinto ezithile esizinanzelelayo sisakha izivumelwano zoqobo.
Nxa isimelwano senhloko singunkamisa siyahlangana lesakhi sesabizwana soqobo. Ngenxa yokuthi elimini lwesiNdebele onkamisa abalandelani unkamisa oyyisivumelwano senhloko uguquka abe ngusingankamisa kanje:
(i-)+o+-na=yona (a)+o+-na=wona usingankamisa (y) +o +na =yona (w) +o + na =wona.
Ukusetshenziswa kwesabizwana soqobo emitshweni
Singandulela ibizo emutshweni. Bona abafana badlala inguqu. Mina, Ndabezinhle ngasengizelwe ngalowo mnyaka. Wona umuzi wakhe muhle.
Nxa isabizwana soqobo sisetshenziswe kuqala kulebizo emutshweni siyabe sisebenze ukugcizelela ibizo lelo.
Singalandela ibizo emutshweni: Imbuzi zona zilahlekile. Lonyaka izulu lona belilinengi.
Ukubhukutsha khona ngumdlalo oqinisa umzimba. Nxa isabizwana soqobo sisetshenziswe salandela ibizo emutshweni siyabe sigcizelela ibizo lelo.
Singaba yinhloko yomutsho. Bona bathule zwi. Yena wangithengela iyembe. Sona sibuhlungu. Nxa isabizwana soqobo sisetshenziswe njengenhloko emutshwweni, siyabe simele ibizo, sithethe isikhundla sebizo.
Singaba ngumenziwa emutshweni. Umalume uthenge zona. Abadala banatha bona. Ugqoke zona yikho esehluleka ukuhamba.
Nxa isabizwana soqobo sisetshenziswe njengomenziwa, siyabe simele ibizo elingumenziwa emutshweni. Singandulela esinye isabizwana emutshweni. UTholakele uthenge sona lesi. Lona leli isaka ngelakoMoyo. Zona ezimnyama zisemadlelweni.
