admin
Thokozile Mbedzi
KUBE lokujabula okukhulu esigabeni seViginia kuVillage 5 eFilabusi ngeviki ephelileyo lapho abadala, abagulayo labaswelayo abaphathiswe ngokudla kunye lezayeke.
Ekhuluma lentatheli kaMthunywa uMnumzana Vumani Esau Moyo onguye owasungula inhlanganiso le, ngemva kokunanzelela ukuthi kulabadala abaswelayo kunye labagulayo okwenza imuli zehluleke ukuzincedisa kundleko ezehlukeneyo.
Abadala laba banikwe itshukela, amahlamvu, amasepa, isawudo, amafutha, amaphilisi, izayeke kanye lama-gloves.
“Ngithengele abadala itshukela, amahlamvu, amasepa, isawudo, amafutha, amaphilisi ama-flannel, ama-masks kunye lama-gloves.
“Ama-mask ngiwanike uMnumzana Nkomo onguye ozabe enika labo abawadingayo ikakhulu abadala abayabe belohambo. Lokhu ngikwenze ngenhloso yokuthi abantu bazihambele bekhululekile befana labanye,” kutsho uMnu Moyo.
UMnu Moyo uqhubekele phambili waveza ukuthi khathesi nguye othenga impahla azinika abantu, akukabi labantu abamphathisayo kodwa ngokuya kwesikhathi uzadinga abanye abazamphathisa kulo umsebenzi.
Online Reporter