Isibaluli siyaqhutshwa

Ukwakhiwa kwezivumelwano zesibaluli

Izivumelwano zesibaluli zakhiwa njengezivumelwano zesiphawulo. Umehluko okhona yikuthi omankankane labonkamisa abalandelayo bayasuswa ezivumelwaneni zesibaluli kanje, ngaphansi kwezihloko ezilandelayo: Isigaba, isakhi sokuchasisa, isiqalo sebizo kanye lezivumelwano zesibaluli. Isigaba 1 Isakhi sokuchasisa a + isiqalo sebizo umu-omu sithole isivumelwano sesibaluli > O.

Isigaba 2 a + aba-aba > aba-. Isigaba 4 a +imi-emi- > e- Isigaba 9 a + In-en > e-. Qaphela mfundi ukuthi yini eyenza umehluko phakathi kwesiphawulo kanye lesibaluli khona kusenza msebenzi munye emutshweni?

Hlela izakhi ezitshiyeneyo zezigaba ezingalotshwanga ukuze utshengise ukwakhiwa kwezivumelwano zesibaluli.
Iziqu zesibaluli: Iziqu zesibaluli zingehlukaniswa ngezigaba ezilandelayo: Iziqu zomdabuko: banzi > indlu ebanzi ihlala abantu banengi.

Qatha > intombi eqatha ilezigcuma ezinhle. Mnandi > Upheke ukudla okumnandi okwantambama. Mbalwa > uthenge inkomo ezimbalwa.

Ngcono > lezi ezingcono zikhethwe nguyise omkhulu.

Iziqu zesibaluli ezivela ezenzweni: sebenza — Umfana osebenzayo wenze icala elesabekayo. Dlala — Intombi edlala ibhola lokuqaga imi kuhle. Gela: Lo ogela lapha uvela ngaphi?