Singakaphethi ukwakhiwa kwesibanjalo emabizweni sizachaza lokhu. Ukulandula kwesibanjalo esilandulayo ngaphansi kwesihloko ezithi esivumayo lesilandulayo.
Esivumayo ngumuntu. Esilandulayo: akusimuntu/kakumuntu; luthando /akusithando/kakuthando; yimfe – akusimfe/kakumfe, yisimanga- akusisimanga/kakusimanga. Nxa kulandulwa kungasetshenziswa izakhi akusi/akusu-lo kaku-.
Ukwakhiwa kwezibanjalo ngezabizwana
Ngesabizwana soqobo. Nxa ufuna ukuzwisisa lokhu khangela lokhu ngaphansi kwalezi zihloko: izabizwana lesibanjalo njalo ngaphansi kwesithi esivumayo lesilandulayo. Kusigaba Okhulumayo: mina isibanjalo esivumayo ngu-yimi. Esilandulayo: ayisimi. Thina –yithi.
Kusigaba okhuluma laye isabizwana ngu-wena Esivumayo ngu- nguwe, Esilandelayo ng- ayisuwe. Ebunengini ngu isabizwana ngu –lina. Isibanjalo esivumayo ngu- yini. Esilandelayo ayisini. Kusigaba 1 isabizwana ngu yena. Esivumayo ngu-nguye, esilandulayo ngu ayisuye.
Kusigaba 2 isabizwana ngu –bona, esivumayo ngu yibo esilandulayo ayisibo. Kusigaba 3 isabizwana ngu wona. Isibanjalo esivumayo ngu-yiwo. Esilandulayo ngu ayisiwo. Kusigaba 4 isabizwana ngu yona. Esivumayo ngu yiyo. Esilandulayo ayisiyo.
Kusigaba 5 isabizwana ngulona. Esivumayo ngu yilo. Esilandulayo ngu ayisilo. Kusigaba 6 isabizwana ngu wona. Esivumayo nguyiwo. Esilandulayo ayisiso.
