Online Reporter
Ukusetshenziswa kwesiphawulo
Isiphawulo kufanele silandele usobizo esimchazayo. Iganga elikhulu lihlala izilwane. Umfowethu omdala usebenza eGoli.
Singasetshenziswa lesijobelelo sesinciphiso u-ana. Ngihlangane lezintombi ezimbili ezinhlana. USihle yintombazana endana.
Iziphawulo ezimbalwa zingasetshenziswa lesijobelelo sesikhuliso u-kazi. Unginyathele ngonyawo lwakhe olukhulukazi. Utshaywe ngumfana omudekazi ofika laphaya.
Ezinye iziqu zesiphawulo zingaphindwaphindwa: Ukhuluma indaba endalandala. Emhlanganweni ngifice izakhamizi ezinenginengi. Iziphawulo zingaba yizabizwana zokuchasisa: Omunye utholakale elimele kuphela. Ngingafundisa abanengi kuyabe sekwanele.
Singazisebenzisa iziphawulo ngokulandula: Kuthiwe bathenge izinkwa ezingenengi. Wakhe umuzi ongemkhulu. Uhlala lomuntu ongengaka.
Lapha sesilandela ngenani. Inani lalo yisichasiso esichaza usobizo esimlandelayo emtshweni. Lalo inani lingxenye ezimbili, isivumelwano lesiqu.
Iziqu zenana. EsiNdebeleni zintathu kuphela iziqu zenani: -pi? –ni? –nye.
Ukwakhiwa kwezivumelwano zenani
Izivumelwano zenani zakhiwa ngokususa unkamisa wokuqala wesiqalo sebizo. Eziqalweni zamabizo ezilomankankane –m, izivumelwano zenani zima kanje: ngaphansi kwezihloko, isigaba, isiqalo sebizo lesivumelwano senani. Izibonelo sisukela kusiga 3:
Isigaba 3 isiqalo sebizo um(u) Isivumelwano senani –wa-. 4 imi- Isivumelwano senani –ya-. 6 ama- Isivumelwano senani –wa njalonjalo.
