Online Reporter
Ukwakhiwa kwezivumelwano zobumnini
Kuviki ephelileyo siphethe isifundo sethu ngokukhangela ukuthi kuyini okwenzakalayo nxa sisakha izivumelwano zobumnini.
Ezigabeni 11 lo 15 unkamisa wesivumelwano senhloko uphenduka abe ngusingankamisa u-w, besesijobelela isakhi sobumnini u-a.
Kwesinye isikhathi singasebenzisa isakhi sobumnini u-ka kanje ngaphansi kweziqu isigaba, isivumelwano senhloko, isakhi sobumnini, lesivumelwano sobumnini:
2 ba- + ka >baka, 5 li- + ka >lika, 8 zi- + ka >zika.
Iziqu zobumnini
Izivumelwano zobumnini zingasetshenziswa leziqu ezilandelayo:
Eziqwini ezivela emabizweni: Inkomo yomlisa ifile. (ya +umlisa) =(a+u > o.
Izitsha zabazali zisekhitshini. (za + abazali) = a +a >a.
Unkamisa wesakhi sobumnini ulumbana lonkamisa osekuqaleni kwebizo. Eziqwini zobumnini kanje: Isisu sakho siyakhala. (sa- _kho).
Abantwana bakhe abahloniphi: (ba- +-khe).
Ezabizwaneni ezithile: Izigqoko zalabo (za – + -labo) azikapheli) Isisu salo (sa- +-lo)sincane.
Ezandisweni: Abantu basedolobheni (ba-s-edolobheni) sebelima umumbu. Izigodo zaphandle (za + phandle) azibazwe.
Izindlela okusetshenziswa ngazo ubumnini. Singasebenzisa ubumnini ukutshengisa ukuthi into ethile yenziwa ngani, kanje: Ingwane yelala ngiyithengile. Umganu wesigodo ngiwubazile.
