Sidumisile Mabena
Prosper Ndlovu
ISIGABA seNkayi esisesabelweni seMatabeleland North, sisebenzisa umbukiso weZimbabwe International Trade Fair (ZITF) koBulawayo, ukutshengisa amathuba atholakala kulindawo.
INkayi ilomnotho oqinileyo wezifuyo osekelwa yikuthuthukiswa kwamabhizimusi, imvelo enothileyo, umhlabathi okhona wokwakha izakhiwo ezilohlonzi, lamathuba okukhulisa izindawo ezisemaphandleni.
Omele ugatsha lokwethulwa kwamathuba amabhizimusi ngaphansi kwePavilion yeMatabeleland North eZITF, uNkosikazi Langelihle Maipisi ukhuthaze abamabhizimusi ukuthi bazobona amathuba aseNkayi.
Uchaze ngamanye amathuba atholakala kule indawo agoqela ukulungiswa kwezigodo (i-timber processing), ukulungisa inyama (meat processing), ukucubungula i-kaolin ukwenza amathayili lama-ceramics, amandla elanga lokuthuthukiswa kokulima ngokuthelezela.
UHulumende useqalile njalo ukukhuthaza ukwakhiwa kwedamu leZiminya eNkayi, okulindeleke ukuthi kube yinsika eqinileyo yokuthuthukisa uhlelo lokulima ngokuthelezela nxa sekuqediwe.
“Kulamathuba okuthuthukisa kwezitanda zokuhlala, ezokuthengisa, ezamabhizimusi kanye lezemfundo, okugoqela ukusungulwa kwezikolo ezizimeleyo kanye lamakolitshi emisebenzi yezandla (technical and vocational training),” kutsho uNkosikazi Maipisi.
Online Reporter