Online Reporter
YiNtatheli kaMthunywa
KUBE lesigigaba esibhedlela seSally Mugabe Central Hospital lapho okube lesigulane ebesihamba ngezigodo esibanjwe sitshontshe intambo zamagetsi ewadini. Amapholisa aqinisekise ngokubotshwa kukaTaona Dzimbo (40), obanjwe xhaka ebhidliza impahla yesibhedlela, ngesikhathi eselatsha unyawo olwephukileyo.
“Umsolwa ubhacwe esibhedlela se-Sally Mugabe Central Hospital ebhidliza izibane zokuhlola. Ubekhipha i-copper ephakathi,” kutsho umbiko wamapholisa.
Abaphenye loludaba bathe izisebenzi zesibhedlela zibe lensolo lapho zinanzelela indlela izibane ebesezikhanya ngayo, lokucatsha kwama-fixtures kwenye iwadi. Kudingisiswe kwaze kwakhangelwa ku-locker kaDzimbo, kwabonakala isimanga.
“Kutholakale intambo zamagetsi ezingu-45, eziyi-20cm, lenye iphayiphi ye-aluminium phakathi kwe-locker,” kutsho amapholisa.
Okumangalise ezinye izigulane labongikazi yindlela uDzimbo abesenelisa ngayo ukuhamba elama-crutch, ebhidliza impahla yesibhedlela.
