Online Reporter
Ray Bande
IMIHLOLISO yeZimbabwe Schools Examination Council (Zimsec) iqale kuliviki, ngezifundo ze-practical kubafundi abakubanga le-secondary, kuthi ogiredi 7 bakhangelelwe ukuqala ngoMvulo.
Kodwa, loba isiqalisile imihloliso le, kunanzelelwe ukuthi kulabalisi abafuna ukuthi abazali babhadale imali ezithile zama-exra lesson lokunye.
Sekuyinjwayelo ukuthi sonke isikhathi nxa imihloliso isisondela, kulababalisi abenza izifundo zesiphangi phangi, kulokhu abakubiza ngokuthi ngama-gala ubusuku bonke. Lapha abafundi bayabe bebala okokucina loba bebhala umhloliso ngelanga elilandelayo.
Umqondisi wezemfudo kuHulumende, esabelweni seManicaland, uMnumzana Richard Gabaza uthe: “Ama-extra lessons kawavunyelwa, kawakho emthethweni.”
Ebuzwa ngokulungiselela kwabafundi lezikolo kumihloliso, uMnu Gabaza uthe konke kuhamba kakuhle.
“Zonke izikolo, ezikaHulumende lalezo ezizimele zodwa sezilungiselele imihloliso yeZimsec. Abahloli bezikolo baphakathi komsebenzi, behlola amalungiselelo.”
