Online Reporter
Nkosilathi Sibanda
NGEMVA kokuhlala isikhathi eside ingasetshenziswa emidlalweni yeCastle Lager Premier Soccer League, inkundla yeLuveve izasetshenziswa okwakuqala lonyaka kumdlalo ozabe uphakathi kweBulawayo Chiefs le-Agama ngeSonto.
Umdlalo lo, oyingxenye yemidlalo yeviki lesi-19 yePSL, uzakuba ngowokuqala ukudlalelwa enkundleni le lonyaka, okuyinto ezamukelwa ngenjabulo ngabathandi bebhola koBulawayo.
ILuveve Stadium yamiswa ukusetshenziswa emidlalweni yeligi enkulu ngemva kokumiswa yiziphathamandla zePremier Soccer League. Ukuvulwa kwayo kutsho ukuthi idolobho lakoBulawayo selengeze enye inkundla engasetshenziswa kumidlalo esezingeni eliphezulu, ngaphandle kweBarbourfields Stadium.
IBulawayo Chiefs, ehlezi kunombolo yesi 13 ku-logu ngemiklomelo engu-17 ngemva kwemidlalo engu-18, izabe ifuna ukusebenzisa umdlalo wasekhaya lo ukuthola imiklomelo emithathu.
Kodwa ke, umsebenzi awusoke ube lula njengoba i-Agama, ehlezi kunombolo yesi 15 ilemiklomelo engu-13.
Ngakwelinye icele, umdlalo omkhulu weviki le uzabe useBarbourfields Stadium lapho iHighlanders ezamukela khona
iDynamos ngeSonto. IBosso ihlezi kunombolo yesikhombisa ku-logu ilemiklomelo engu-28, kuthi iDynamos, loba ilomdlalo owodwa esandleni, ihlezi kunombolo yesithupha ilemiklomelo engu-29.
Phezulu kwetafula, iScotland FC iqhubeka ihamba phambili ngemiklomelo engu-37 njalo izadibana leNgezi Platinum Stars eBaobab Stadium emdlalweni ongaguqula isimo phezulu ku-logu. INgezi yona ilemiklomelo engu-32 kunombolo yesine.
ICaps United, isendaweni yesibili ilemiklomelo engu-33, izadibana leHerentals eRufaro Stadium, kuthi iHardrock FC, esendaweni yesithathu ilemiklomelo engu-32 kodwa ilomdlalo owodwa esandleni, idlale leZPC Kariba eChahwanda Stadium.
Imidlalo yeviki lesi-19 imi kanje:
NgoMgqibelo: Bulawayo Chiefs v Agama FC (Luveve Stadium), TelOne v MWOS (Ascot Stadium), FC Hunters v Simba Bhora (Heart Stadium), Ngezi Platinum Stars vs Scotland FC (Baobab Stadium), Herentals vs Caps United (Rufaro Stadium)
NgeSonto: Hardrock vs ZPC Kariba (Chahwanda Stadium), Manica Diamonds vs FC Platinum (Sakubva Stadium), Triangle United vs Chicken Inn (Gibbo Stadium), Highlanders vs Dynamos (Barbourfields Stadium).
