admin
YiNtatheli kaMthunywa
Izakhamizi zakoBulawayo kule inyanga zizabhadala umthelo wezindlu usukhutshuliwe nanko phela ikhansili iwukhweze ngesilinganiso se-150 kusiya ku-180 phesenti.
Lokhu kuza ngemva kokuba uHulumende evumele ukusetshenziswa kwebhajethi ka-2022, ebiqoqwe yiBulawayo City Council (BCC).
Ugatsha lwe-Local Government le-Public Works lwaluqale lwabuyisela emuva ibhajethi le ngoba ikhansili le, ifake i-44 phesenti kuholo lezisebenzi zayo.
Ikhansili kubikwa yehluleka ukulandela imfanelo njengokulawulwa yiNational Development Strategy 1.
Isikhulumi sekhansili yakoBulawayo uNkosikazi Nesisa Mpofu ubike ukuba ngempela, ibhajethi ka-2022 isizasebenza.
“UMphathintambo obona ngokwenzakala kuLocal Government le-Public wazise idolobho lakoBulawayo ngoLwesibili mhlaka 8 Nhlolanja ukuba ibhajethi ka-2022 isivunyelwe,” nguNkkz Mpofu lo kumbiko awuthumeleyo.
Uthe umthelo wezindlu uzakhwela uye ku-150 phesenti. Izakhiwo ziya ku-177 phesenti kukanti amanzi azakhwela nge-150 phesenti kusiya ku-180.
UNkkz Mpofu uthe kukhweze lembhadalo yokusebenzisa inkundla zemidlalo nge-450 phesenti.
Online Reporter