admin
Thokozile Mbedzi
KULENDODA yakoNyandoro indawo engaphansi kwenduna uChiya Chireya eGokwe edlwengule yabulala abantwana ababili ngeviki ephelileyo.
U-Admire Zhou oleminyaka engu-43 yokuzalwa kubikwa ubesebenza emasimini labantwabkhe laba andubana afikelwe ngumoya wokudlwengula omunye wabo oleminyaka engu-14 yokuzalwa.
Uthe eqeda ukukwenza lokhu wananzelela ukuba omunye umntwana ubebukele konke lokhu kusenzakala. Umane waqala ukugamula abantwana laba bahle bafela emasimini.
Ekhuluma lentatheli kaMthunywa induna yakulindawo uChiya Chireya ithe behlelwe liyezi elimnyama njengesigaba.
“Sehlelwe yisiga esibuhlungu lapha esigabeni seNyandoro lapho uAdmire obelima labantwana imizwa yasisuka yamkhulela wasesehluleka ukuphikisana layo wacina ebambe oyedwa iganyavu.
“Uthe eqeda ukwenza isihluku lesi wananzelela ukuthi omunye umntwana ubebukele lokhu kusenzakala wacunuka wabagamula bobabili bahle baphelela khonapho.
“Uthe eqeda lapho wahle wayazibophela ngemva komuzi,” kutsho induna uChireya.
Lokhu mina njengomphathi kube buhlungu kakhulu kimi.
Ngikhuluma nje abantu abalamathe babuhlungu ngalesisehlakalo. Sesizahlala phansi labadala besigaba sibone ukuba singeluleka uzulu njani ukuze ihlazo elibi njengaleli lingenzakali futhi,” kuphetha induna uChireya.
Online Reporter