Online Reporter
Fungai Muderere
INHLANGANISO yeBulawayo Province Pool Association (BPPA) izaqhuba imidlalo yayo kusukela ngoLwesine (19 Mbimbitho) lapho amaqembu azabe elungiselela ukuvula imincintiswano ezasungulwa mhlaka 22 Mbimbitho.
Abahleli bomncintiswano babikele iZimpapers Sports Hub ngamalungiselelo la, njalo amaqembu azadlala avela kundawo ezitshiyeneyo esabelweni sakoBulawayo.
Isikhulumi seBPPA u-Osbornewells Dziko uthe amaqembu angu-40 azangena kumbango wakuqala.
Kumaqembu la, angu-20 azadlulela phambili aye kusigaba esilandelayo.
Azahlangana lamanye angu-44 azangena ngqo kusigaba sesibili ngemva kokuphiwa ama-bye, okuzenza kube lamaqembu angu-64 kusigaba esilandelayo.
UDziko uthe iqembu elizakhethwa kuqala ku-draw lizadlalela ekhaya kuthi elilandelayo lidlalele emangweni.
Uthe amaqembu aphezulu avela eFilabusi azasebenzisa inkundla zakoBulawayo njengendawo yokudlalela imidlalo yawo yasekhaya.
“Iqembu elidlalela ekhaya lizabhadala iUS$10 yokusebenzisa indawo, njalo imidlalo izadlalwa nge ‘race to 10’,” kutsho uDziko.
Uthe i-draw izaqhutshelwa emhlanganweni wekhansili yeBPPA ngoLwesine, lapho okulindeleke ukuthi kube labammeli bamaqembu avela kuzo zonke izigaba zenhlanganiso.
Kusenjalo, inhlanganiso isenze ukugcwaliswa kwezinye izikhundla.
Unobhala jikelele weBPPA uNomore Muzvidziwa uthe uArchie John Scholtz weQueens Pool Academy usefakwe njengommeli weAthletes Commission.
U-Amos Dzenga we-Exchange Pool Club ukhethwe njengommeli (Pleyaewabadlali, kuthi uGugulethu Nyathi weMajiyampondo Pool Club usengummeli wabesifazane emdlalweni we-pool.
