Online Reporter
Silakho ukuzifaka ezibayeni ezihambelana lalokhu okulandelayo.
Ezitshengisa ukwethuka: Maye! Maye babo! Hayi bo! (njalonjalo).
Ezilokukloloda: Watsha! Klibhi klolo! Vuka! (njalonjalo).
Ezokulwa: Mama ngadla! Watsha! Wena! (njalonjalo)
Ezokuncenga: Phepha! Mayuyu! awu awu bakithi! (njalonjalo)
Ezokumangala: hawu! Yebo! Kanti kunjalo! Abe!
Ezokuphika: Cha! Hatshi bo! Qha! Hayi! Phinde! (njalonjalo)
Ezikhomba ukuvuma: Yebo! Ye! Ehe! Wo! (njalo njalo)
Ezokukhuleka emzini: Ekuhle! Ngekhaya! Sikhulekile! ENdlovu! (njalo njalo)
Eziqondana lokubiza: Khumalo! Ndlovu! Bantu! (njalonjalo)
Ezokubingelela: Sabona! Salibonani!
Ezokudana: Hayi! nx! o –o!
Izibabazo ezithathelwa kwezinye izincezu zenkulumo
Lo umhlobo wezibabazo usetshenziswa ukubiza loba ukumemeza, Kanye lokukhuleka.
Nxa umuntu ebizwa ngebizo lakhe: Sisusa unkamisa wakuqala oyisiqalo u-u: Thoko! Mandla! Zibusiso! Jabu! Silakho njalo ukuthi sithi we Jabu! We Thoko! (njalo njalo).
Nxa umuntu ebizwa ngesibongo kumbe ngesitemo sakhe: Sisusa unkamisa wakuqala oyisiqalo ngaphansi kwezihloko — ibizo lesibabazo: uSibanda –Sibanda!, uSigola – Sigola! UDube –Dube!
UMpangazitha – Mpangazitha!
Lamabizo angayisiwo amabizo abantu lezibongo zabo akha isibabazo ngokususa unkamisa wakuqala ngaphansi kwezihloko lezi: ibizo, isibabazo kanje: abantu –Bantu! Udadewethu – Dadewethu! Amajaha – Majaha (njalonjalo)
