Online Reporter
YiNtatheli kaMthunywa
IZIBOTSHWA ezimbili zimiswe emthethwandaba ngecala lokuthengisa izidakamizwa ejele.
UHloniphani Mkhwananzi loTiisetso Ngulube batholakale besenza ibhizimusi lokuthengisa izidakamizwa ngesikhathi besesivandeni kwelinye ijele eGwanda mhlaka 13 Nhlangula.
Bobabili bachaze ukuthi bancedisana lo-Etsang Mdlongwa.
“Ngesikhathi sokuhlolwa kwezibotshwa, onogada bathole amaphakethi embanje angu-19, ayisilinganiso se-0.07g lezigubhu zotshwala 200ml ezine.
“Izibotshwa lezi zivumile icala, zaqamba ukuthi uMdlongwa, ohlala Hampden Farm, eGwanda nguye obanika izidakamizwa lezo,” kutsho umbiko ovele kuNational Prosecuting Authority of Zimbabwe.
Kubikwa izibotshwa lezi bezithengisa ukudla okugoqela itshukela lelambazi, ukuze zithola imbanje.
Endlini kaMdlongwa amapholisa athole intanga zembanje, amambhodlela angu-22 otshwala be-cane spirit.
Isibotshwa sokuqala sigwetshwe inyanga ezingu-12. Omunye walile icala njalo uzaphenduka emthethwandaba mhlaka 22 Nhlangula.
