Asefikile amaProteas

 

Brandon Moyo

IQEMBU leSouth Africa elomdlalo wekhilikithi, amaProteas afike koBulawayo ngoLwesibili emini, elande ukuzodlala lamaChevrons kuhlandla leTest, kusukela ngoMgqibelo, enkundleni yeQueens.

AmaProteas zintshantshu ze-ICC World Test Championship kulandela ukunqoba kwawo i-Australia eLords.

Afike kuleli eledlabuzane ngakho kukhangelelwe ukuthi ethule umdlalo omuhle.

AmaChevrons lawo alokuzethemba nanko avela dlala leNgilandi kuTest, enkundleni yeTrent Bridge.

I-South Africa izakhokhelwa ngukaputeni uKeshav Maharaj endaweni kaTemba Bavuma.

Umdlalo weTest phakathi kwamaqembu womabili uzadlalwa kusukela mhlaka 6 kusiya kumhlaka 10 Ntulikazi.