Online Reporter
Ethel Ncube
UMSEKELI kaMongameli welizwe uKhomuredi Chiwenga useveze ukuba bonke abaphatheka kundaba zezidakamizwa babulala ikusasa labantu abatsha.
UKhomuredi Chiwenga esethula inkulumo yakhe ngesikhathi esemcimbini wokuthakazelela iSt Luke’s Day ebijabulela iminyaka engu-75 uveze ukuba izidakamizwa azifunakali, zilimaza intsha.
“Kini lonke elibatsha elihlangene lapha silodubo olungaphazamisa ikusasa lelizwe, izidakamizwa kunye lokusentshenziswa kwezinto ezidakayo. Izidakamizwa lezi ziyaphazamisa impilakahle yomuntu kunye lekusasa yakhe,” kutsho uKhmrd Chiwenga.
Uqhubekele phambili eveza ukuba izidakamizwa lezi ziyabulala,
“Ngiyalixwayisa ukuba likhethe ulwazi njalo likhethe ukuhlonipha kulokubhidliza. Kulabo abaphatheka ekuthengiseni izidakamizwa labavumela izidakamizwa, uHulumende weZimbabwe ngeke athule lilimaza intsha njalo liyibhidliza, uzathatha inyathelo. Sithi phansi ngezidakamizwa asizifuni,” kubika uKhmrd Chiwenga.
