marble nkomo
YiNtatheli kaMthunywa
IZAKHAMIZI zesigabeni seMaphisa zithole izifundo zamahala mayelana lokusebenzisa imitshina yakulezinsuku kusukela ngoMvulo kusiyafika ngoLwesihlanu kuliviki.
Izifundo lezi zizaphawulwa lugatsha lwe-Information, Communication, Postal and Courier Services eMaphisa Digital Centre.
Kumbiko wokunxusa abantu okhitshwe lugatsha lwe-ICT, kubikwe ukuba labo abazangena kuzifundo ze-digital skills bazathola ulwazi olugoqela ukusebenzisa ikhompuyutha, indlela zokuzivikela ku-internet, ukusetshenziswa kwe-Artificial Intelligence (AI) lokusungula amabhizimusi.
Bazafundiswa njalo ngendlela zokuphepha emakhasini okuxhumana.
Ekhuluma lephephandaba likazulu ngoMvulo, uMsekeli kaMphathintambo wogatsha lwe-ICT uDingumuzi Phuti ukhuthaze abantu abahlala eMaphisa ukuthi baphume ngobunengi bayethapha ulwazi oluzabanceda empilweni.
“Loluhlelo luyingxenye yemizamo kaHulumende yokuthuthukisa indawo ezisemaphandleni ukuze abasakhulayo labadala bathole amathuba emisebenzi njalo baphathise ekukhuliseni umnotho welizwe kusetshenziswa imitshina yakulezi insuku.
Online Reporter