adminNGESIKHATHI abangani ababili beyokuzitika ngotshwala epaki ngemuva kokuthola amabhonasi abo eGoli babengazi ukuthi intokozo yabo izophela kabuhlungu njengoba oyedwa watshona omunye wangeniswa esibhedlela.
ULucas Ngcobo (26), loSizwe Mabaso (28), base-Orange Farm eGoli babefuna ukuzijabulisa kulandela ukusebenza kanzima umnyaka wonke bahlala epaki kwaze kwahlwa ngendlela okwakumnandi ngayo.
Ngesikhathi sekumnyama bahlaselwa yizigebengu zabaphuca ama-wallet lotshwala babo.
Izinto zabazimbi kangangokuthi lezi zigebengu zabatshaya zaze zazama lokusika induku kaLucas.
Umzawakhe kaLucas uTeenage Shabalala (43) ubikele iDaily Sun: “Ngabizwa ngoLwesihlanu ntambama ngathi ngifika ngafica engagqokanga njalo eqalekile elele phakathi kwechibi legazi.
“Wayelamanxeba umzimba wonke njalo wayelenxeba lokusikwa esithweni sangasese. Abanye abantu balolunya.
Kambe batshaye umuntu bamthathele imali baphinde bamhlukumeze ngokusika izitho zomzimba.”
ULucas wagijinyiselwa esibhedlela kodwa wafa ngemva kwensuku ezimbalwa eku-intensive care unit.
Kusenjalo umngane wakhe uSizwe ulokhu elalisiwe esibhedlela.
UCaptain Johannes Motsiri uthe sekubotshwe izigebengu ezintathu njalo zisolwa ngecala lokuzama ukubulala kanye lokubulala. Abathathu laba bakhangelelwe ukumiswa emthethwandaba maduze nje. — Ubulembu
Online Reporter