Izigelekeqe ezintathu zihlasela i-bureau de change

Sources familiar with the matter said the case, recorded under reference CR 188/07/2026, involves two counts of alleged theft of trust funds

YiNtatheli kaMthunywa

Kulezigelekeqe ezintathu okubikwa zihlasele kwenye ihofisi yokutshintsha imali (bureau de change) koBulawayo, zabaleka lemali engange US$18 000 kunye le R51 000 ngoLwesithathu.

Isikhulumi samapholisa elizweni uCommissioner Paul Nyathi uqinisekise ngesehlakalo esenzakale izolo ekuseni inkampani le isanda kuqala umsebenzi.

“Abetheswacala abathathu bafike kusakhiwo seCIPF, baqansa baya ku 1st floor. Bafike bazenza abanye abafuna ukusizwa andubana baqale ukwethusela abantu, bahlasela unogada bamthathela lombhobho wakhe. Babuye bacela i-remote yesivalo eqonda lapho okulamasefa khona andubana bahlole i-CCTV bacitshe konke. Ngemva kwalokho batshaya bachitha lemali,” kutsho uComm Nyathi.

Amapholisa anakanela ukuba lokhu kungabe kwenziwe lesisebenzi esisebenza kule indawo, ngoba izigelekeqe lezi zenze ubugebengu bazo ngokuqapha okukhulu njalo sabantu abazi ngendlela yokusebenza kule indawo.