Izigelekeqe zibophe onogada (5) zaqhumisa isisefa, zabaleka le-US$9 700

Police said Onai Murovanidzwa, 48, of Chitate Village, boarded a red Honda Fit at about midnight at the intersection of Simon Muzenda and Robert Mugabe Road.

YiNtatheli kaMthunywa

IQEMBU lamadoda amane ahlomileyo linqobe iqembu labonogada beFawcett, lababopha, laselidubula isisefa, lathatha imali eyedlula US$9 000 eMeru Service station eKwekwe.

Isikhulumi samapholisa elizweni lonke uCommissioner Paul Nyathi sithe izigebengu lezi zihlasele ekuseni kakhulu mhlaka 17 Lwezi 2025 futhi zenze lokhu ngokuqaphela okukhulu.

“Amadoda amane ahlomileyo alande isisebenzi seFawcett ebesisemsebenzini basebesilaya ukuthi silale phansi. Basibophe izandla zaso lenyawo ngaphambi kokuthi basihudulele phakathi kwenye indlu” kutsho uComm Nyathi.

Isehlakalo lesi sibe sibi ngesikhathi esinye isisebenzi seFawcett sizama ukutshayela abanye ucingo.
“Isisebenzi sesibili seFawcett sigijime sangena phakathi esakhiweni basibamba ngesikhathi sizama ukwazisa iFawcett Reaction Team. Abasolwa babophe izandla zaso lenyawo base besihudulela kwenye indlu lapho obekubotshelwe khona isisebenzi sakuqala seFawcett,” utsho njalo.

“Abasolwa baqhubeke bangena kwenye indlu yesibili, lapho ezinye izisebenzi zeFawcett ezintathu ebezilele khona bafika bazibopha izandla lenyawo,” kutsho uComm Nyathi.

Onogada ababotshiweyo babukele konke kusenzakala nanko phela abasolwa bafake ama-explosives kusisefa saqhuma andubana bathathe iUS$9 700 bahle badliwa ngumswenya,” kutsho uComm Nyathi.

Amapholisa aseqale imizamo yokudinga izigelekeqe lezi njalo acela ongabe esazi lapho okulezigelekeqe lezi abikele amapholisa ngokuphangisa.