Online Reporter
Izimpambosi ziyaqhutshwa, Impambosi yokwenziwa
Impambosi le ikhomba khona kanye ukwenziwa. Izibonelo: Amabele adliwa zinyoni. Amanzi akhiwa ngamantombazana. Inkabi zibotshwa ngamajaha. Amagama la adliwa, akhiwa, zibotshwa, yiwo akhomba okwenziwa emabeleni, emanzini lasenkabini. Yizenzo eziyimpambosi yokwenziwa.
Ukwakhiwa kwempambosi yokwenziwa. Impamposi le singayakha ngendlela ezilandelayo: Eziqwini zesenzo ezilelunga elilodwa: Izibonelo; dla –dliwa, fa-fiwa, pha –phiwa- ma – mina. Lezizenzo zijobelele u-iwa kunkamisa osekucineni.
Eziqwini zesenzo eziqalisa ngonkamisa, ezilamalunga amabili.Izibonelo: enza –enziwa, eba –ebiwa, osa –osiwa, onga –ongiwa. Kulezizenzo sijobelela u-iwa endaweni kankamisa osekucineni.
Eziqwini zesenzo ezilamalunga amanengi ziqalisa ngongwaqa loba ngonkamisa. Izibonelo: khulula – khululwa; biya- biywa, esula –esulasula; dutshuza –dutshuzwa. Kulezizenzo sijobelela u-wa esikhundleni sikankamisa wokucina.
Ezenzweni ezingacini ngonkamisa –a. Izibonelo: -azi –aziwa; -thi –thiwa; -tsho –tshiwo. Ku –azi laku –thi simane sijobelele u-wa, ikanti ku-tsho sijobelela u- u-iwo esikhundleni sikankamisa wokucina.
Ngokulwangisa: Hlolisisa izenzo ezilandelayo: kopa- kotshwa, thapha –thatshwa, dobha- dojwa, khuba –khutshwa, luma –lunywa, pompa –pontshwa, bumba –bunjwa. Lapha-ke sibona ukuthi uma isenzo silondebembili elungeni lokucina lowondebembili uyaguquka abengulwangeni anduba ajobelele u-wa.
