Online Reporter
Ukwakhiwa kwempambosi yokwenzayenza
Impambosi yokwenzayenza siyakha ngezindlela ezilandelayo: Ezenzweni eziqala ngongwaqa zilelunga elilodwa. Izibonelo: fa-fayifa; dla-dlayidla, pha –phayipha; mba –mbayimba. Liyaphindwa ilunga kodwa kufakwe u-yi- phakathi.
Ezenzweni eziqala ngongwaqa olamalunga amabili: Izibonelo: hamba-hambahamba; zonda – zondazonda; qutha- quthaqutha; funda-fundafunda. Syawaphinda womabili amalunga.
Ezenzweni eziqala ngongwaqa zimalunga aphezu kwamabili: Izibonelo: gijima –gijigijima; thalaza –thalathalaza; dubeka – dubedubeka; phakamisa – phakaphakamisa; qaphelisa –qapheqaphelisa. Lapha kuphindwa amalunga amabili askeqaleni andubana sijobelele amalunga acinayo.
Ezenzweni eziqala ngonkamisa zilamalunga amabili: Izibonelo: osa- osayosa; eba –ebayeba; ola –alayala; enza –enzayenza. Siyaphindwa sonke isiqu kodwa kufakwe u-y-phakathi.
Ezenzweni eziqala ngonkamisa zilamalunga edlula amabili: Izibonelo:: ephula – ephulaphula/ephuyephula; esula – esulasula; endlala – endlalandlala/ endlayendlala. Lapha sinanzelela ukuthi isenzo singaphindwa sonke ngaphandle kukankamisa osekuqaleni kuphela.
Loba kuqalwa ngamalung amabili akuqala, silandelise ngo-y- anduba sifake wonke njalo amalunga alesosenzo. Sizalandela ngempambosi yokwenziwa.
