shloboe boe
Nobuhle Mgwaqo
KAKHO ozaswela amaphilisi okucindezela igcikwane leHIV phakathi kwalabo abakuhlelo lwe-ART kunye labatsha abazangeniswa kulo ngoba ilizwe leZimbabwe lilamaphilisi ama-antiretrovirals enelayo loba uhulumende weMelika emise usekelo lwemali oluvela elizweni lelo.
Amazwi la, akhulunywe nguMphathintambo wogatsha olubona ngezeMpilakahle kunye lokondliwa kuhle kwabantwana uDokotela Douglas Mombeshora, ku-Media workshop yeNational AIDS Council (NAC), eChinhoyi.
Isiqiniseko sikaDkt Mombeshora siza kulokukhathazeka emphakathini ngokuthi kungenzeka kuswelakale amaphilisi ama-ARV ikakhulu kulabo abawathola emakilinika kunye lakuzibhedlela zikaHulumende.
EZimbabwe kulabantu abafika i-1, 3 miliyoni abaphila legcikwane leHIV and AIDS.
“Silamaphisi ama-antiretroviral enela bonke abakuhlelo lwe-ART kunye labatsha abangangeniswa kulo. Wonke umuntu uzawathola amaphilisi akhe. Akulandingeko yokuba abantu bakhathazeke ngempilakahle yabo.
“Khathesi silamaphilisi amanengi futhi sesiphinde sathenga amanye eUS$12 miliyoni, esikhangelele ukuthi afike ngenyanga kaNhlangula,” kuchasisa uDkt Mombeshora.
Uthe amaphilisi azabuya ngoNtulikazi azaqhuba ilizwe kuze kufike inyanga kaMpandula.
UDkt Mombeshora uveze ukuthi ilizwe lenza kuhle ekulwiseni ukumemetheka kwegcikwane leHIV and Aids nanko inani lalabo abasanda kutholakala belegcikwane lalabo ababulawa yilo selehlile.
Online Reporter