Online Reporter
Zimpapers Sports Hub
KUYAVELA ukuthi abagadli kumdlalo wenguqu abakuligi ephakemeyo, eyeCastle Lager bayehluleka ukukhaba libhaje entanjeni.
Kumidlalo yeviki lesitshiya galombili kuligi le, akulaqembu elenelise ukuhlohla amabhola amabili. NgoLwesihlanu olwedluleyo, kuphele iHerentals ihlohle elilodwa kuGreenfuel. NgoMgqibelo, kube lemidlalo eyisikhombisa. Yonke kuhlohlwe amabhola ayisitshiya galolunye.
Enkundleni ye-Ascot eGweru, iHighlanders ibe ngutshiki lobhanqa 1-1 leTelOne. Iqembu leChicken Inn limelane leManica Diamonds nge 1-1. Enkundleni yeMandava, umdlalo weFC Platinum leTriangle uphele ngokufanayo. IBikita Minerals leNgezi Platinum lazo zehluleke ukwedlulisa phezu kwamabhola amabili, umdlalo uphele kuyi 1-1.
ICAPS United inqobe iYadah Stars 1-0 enkundleni yeRufaro. IZPC Kariba leScottland zizame kwehlula ukuthi zibhoboze umambule. Umdlalo uphele zombili ziphethe amaqanda.
