Online Reporter
Brandon Moyo
UTSHENGISELE ukuthi kasoke aphele umoya nxa esenkundleni uSikandar Raza, nanko ubeyinsika lapho iqembu lakhe iPaarl Royals, linqoba iDurban Super Giants kuliviki.
IPaarl Royals inqobe ngama-wicket ayisithupha ngoLwesibili. Ukaputeni wamaChevrons lo uqede umdlalo elama-runs angu-27, engakhitshwanga.
Kubhola lakhe lokucina, ethwele induku, uRaza utshaye ama-runs ayisithupha ngenye indlela engajwayelekanga, iqembu lakhe lavala umdlalo lo, kwaba ngumdlalo wesine lapho benqoba phakathi kweyisikhombisa.
Sebelemiklomelo engu-19.
Ngemva kokuthola ithuba ku-toss, iPaarl Royals ibambe iDurban Super Giants yaba ku-186/5 kuma-over angu-20.
IRoyals iphenduke enkundleni yatshaya 191/4.
Ukaputeni weDurban Super Giants, u-Aiden Markram uhambe phambili eqenjini lakhe, ethola 66 runs, kumabhola angu-44. Kulandele uLiam Livingstone othole 32runs kumabhola alitshumi.
