Online Reporter
Highlanders 0-0 Ngezi Platinum Stars
Nkosilathi Sibanda
I-HIGHLANDERS leNgezi Platinum Stars zehluleke ukuhlohla emdlalweni weCastle Lager Premiership odlalwe eBarbourfields Stadium ngeSonto.
Kuqala umdlalo, iBosso ingene ngamandla ithola i-corner kick ngomzuzu wokuqala kulandela ukugijima okuhle kukaDarlington Mukuli odlulisele ibhola kuBenjamin Adeogun, kodwa kwangaveli lutho.
INgezi Platinum Stars ibizama ukuvimba ukuhlasela kweHighlanders esiswini senkundla.
ULawrence Mhlanga uthole ikhasi ngomzuzu wesithupha ngemva kokudonsa uQadr Amin. URainsome Pavari laye uthole ikhasi ngomzuzu wetshumi ngokudonsa uBrooklyn Katumba.
IHighlanders ibisondela phakathi kwegedi ngomzuzu wesi-13 lapho uRoyn Nyamono kodwa ibhola ladlula eceleni.
U-Adeogun uphose wazibeka phakathi kogwalo lwabahlohlayo ngomzuzu wesi-24 kodwa ibhola lihambe eceleni.
Ekupheleni kwesigaba sakuqala, iBosso icindezele kakhulu phakathi komizuzu wesi-38 kusiya ku-42, ithola ama-corner kick amathathu elandelana kodwa kwangabi yingozi. Ngaleso isikhathi, iNgezi Platinum iphunyukile.
Kusigaba sesibili siqale iBosso iphithizela ngokuhlasela. UMongameli Tshuma uzame ukuhlohla ngomzuzu wesi-49 kodwa unozinti weNgezi wamvimba.
INgezi iphinde yazama ngomzuzu wesi-51 lapho uBrooklyn Katumba ethole ikhasi ngokudlala kubi kuPrince Ndlovu.
UMongameli Tshuma uphinde watshengisa ithalenta lakhe ngomzuzu wesi-56 ereyitsha abadlali beNgezi kodwa wavinjelwa ngaphambi kokuthi akhulule ibhola phakathi kwegedi.
IHighlanders yenze utshintsho ngomzuzu wesi-58 ifaka uReason Sibanda esikhundleni sikaPrince Ndlovu.
Izethekeli lazo zenze inguquko ngomzuzu wesi-60, iqinisa ukuhlasela kwayo. Sekusondela ukuphela komdlalo, womabili amaqembu abetshengisa ukukhathala lokufuna ibhola.
Ekucineni umdlalo uphele kungutshiki lobhanqa.
Amaqembu:
Highlanders: Aron Ngwenya, Nomore Chinyerere, Mongameli Tshuma, Prince Ndlovu (Sibanda 58’), Kudakwashe Mahachi, Royn Nyamono (Nkomo 66’), Andrew Mbeba, Rainsome Pavari, Darlington Mukuli, Benjamin Adeogun, Lawrence Mhlanga.
Ngezi Platinum: Darlington Musarurwa, Gomezgani Chinwa, Praise Machengete, Malvin Kwinjo, Spenser Mugarini, Qadr Amin (Eddisone 61’), Farai Madhanhanga, Brooklyn Katumba, Tanaka Munemo, Malvin Gaki (Tarengesha 61’), Orlando Zvavarevi.
