YiNtatheli kaMthunywa
UMQEQETSHI weqembu lamaWarriors, uRamón Catalá, usekhethe abadlali abangu-24 abazadlala imidlalo emibili elandelanayo yokukhankasela ukuya ku-Africa Cup of Nations (AFCON) ka-2027, njalo unozinti weHighlanders u-Aron “Arusha” Ngwenya uphakathi kwabakhethiweyo.
UCatalá wehlise inani labadlali ababe kuthimba lokuqala, njengoba ilizwe lilungiselela imidlalo emibili eqakathekileyo le-Equatorial Guinea kumizamo yokuthola indawo kumncintiswano omkhulu webhola lezwekazi le-Africa.
UNgwenya ngomunye wabonozinti abane abakhethiweyo, njalo lonozinti weHardrock uTinotenda Muringai uphakathi kwabadlali abaphumelele ukungena eqenjini lokucina.
Iqembu leli lihlanganisa abadlali abadlalela amaqembu akuleli lalabo abasemazweni angaphandle. Abadlali asebelesikhathi bedlalela iqembu lesizwe abanjengoMarshall Munetsi, Marvelous
Nakamba, Andy Rinomhota loJordan Zemura bazaletha ulwazi abalalo eqenjini.
Abagadli abakhethiweyo bagoqela uTawanda Maswanhise, Tawanda Chirewa, Bill Antonio, Daniel Msendami, Tinotenda Kadewere lo Thando Ngwenya.
Iqembu leScottland lalo lilabadlali ababalisa uNelson Chadya, Kelvin Moyo, Peter Muduhwa, Emmanuel Jalai, Abubakar Moffat loMthokozisi Msebe.
AmaWarriors azabe efuna ukuthola impumela enhle emidlalweni yomibili ukuze aqhubeke esesimeni esihle.
Abadlali abakhethiweyo:
Onozinti: Martin Mapisa (Hardrock), Future Sibanda (ZPC Kariba), Nelson Chadya (Scottland), Aron Ngwenya (Highlanders)
Imvimbi: Jordan Zemura (Watford), Corbin Mthunzi (Ipswich Town), Tinotenda Muringai (Hardrock), Kelvin Moyo (Scottland), Peter Muduhwa (Scottland),
Emmanuel Jalai (Scottland), Sean Fusire (Sheffield Wednesday), Shane Maroodza (Sarajevo)
Abadlali basesiswini: Abubakar Moffat (Scottland), Mthokozisi Msebe (Scottland), Marshall Munetsi (Wolves), Andy Rinomhota (Reading), Jonah Fabisch (Golden Arrows), Marvelous Nakamba (Panetolikos)
Abagadli:Tawanda Chirewa (Wolves), Tawanda Maswanhise (Motherwell), Bill Antonio (KV Mechelen), Daniel Msendami (Marumo Gallants), Tinotenda Kadewere (Aris Salonica), Thando Ngwenya (AmaZulu)
